«Astana Musical» мемлекеттік театры Астана қаласының тұрғындары мен қонақтарына «Достар серті» мюзиклін ұсынады.

«Достар серті» туындысы – премьерасы 2016 жылы өткен алғашқы қазақстандық мюзикл.

Мюзикл желісі 60-70-жылдар кезеңінде өрбіп, еліміздің әр өңірінен арман қуып консерваторияға оқуға келіп, бір қалада тоғысқан төрт абитуриент жігіттің басынан кешкен қызықты оқиғаларын, жалындаған жастық шақтарын, адал достық пен нағыз махаббат хикаяларын баяндайды. Аталмыш мюзиклға қазақ музыкасының «алтын қорына» енген Ш.Қалдаяқов, Е.Хасанғалиев және «Дос-Мұқасан» тобының әндері арқау болмақ. Сонымен қатар, әлемдік музыканың жарық жұлдызы «Битлз» тобының репертуарындағы шығармалар және жаңа стилистикалық бағытта жазылған композициялар орындалатын болады. Либретто авторы – ҚР Еңбек сіңірген қайраткері Бақыт Қайырбеков, аудармашы, драматург – Әннас Бағдат. Қойылымның музыкасын жазған танымал дирижер, ҚР Еңбек сіңірген қайраткері – Артур Оренбургский. Мюзикл режиссері – Есләм Нұртазин.

Место на карте