Ақша мен материалдық игілік басты құндылыққа айналған қоғамда несие алып, қарызға бату да қалыпты құбылысқа айналғандай. Қаспақ пен  Баспақ және олардың қарсыластары арасында өрбитін шым-шытырық шытырманға толы оқиғаның басты себебі де осы қарыз алу мен сол тығырықтан шығудың қызу қайшылығына құрылған.

Басы дауға қалған Баспақты даудан Қаспақ құтқара ала ма? Әлде досын құн сұраушылардың қанжығасына байлап бере ме? Адам өмірінен ақша құнды болған қоғамда кім жеңеді?..

Осы сауалдарға күлдіре отырып жауап іздейтін қойылым көрерменін де бейжай қалдырмасы анық. Ұтқыр тіркес, қызықты сюжетке құрылған комедия замана келбетін шынайы бейнелейді.