«SINTEZ» театры ерекше атмосфера мен нәзік сезімдерге толы «Сағыныш сазы» атты музыкалық кешке шақырады

Бұл кештің басты ерекшелігі — театр мен музыканың керемет үйлесімі. Әр ән жанды дауыста ВИА сүйемелдеуімен орындалып, сізді балалық шақтың бақытты сәттеріне, жастықтың алаңсыз күндеріне және жүрекке ең жақын естеліктерге жетелейді. Жанды бэндтің кәсіби орындауы мен сахнадағы театрландырылған қойылымдар шынайы эмоцияларға бөлейді.

Шәмші Қалдаяқовтың, Дос-Мұқасан тобының және Ескендір Хасанғалиевтің жүрек тербетер әндерін тыңдауға шақырамыз.

Кеште өнер көрсететін отандық сахнаның жарқын жұлдыздары:

• Дильназ Омарханова – халықаралық және республикалық байқаулардың лауреаты, "Астана Опера" халықаралық академиясының солисті.
• Улпан Абдикаримова – халықаралық байқаулардың лауреаты, ерекше дауыс иесі.
• Алтынбек Арыстанбек – Еркеғали Рахмадиев атындағы Мемлекеттік академиялық филармонияның солисті, халықаралық конкурстардың лауреаты.

Сүйікті әндеріңізбен бірге естеліктер әлеміне еніп, ерекше әсер алатын бұл кешті жіберіп алмаңыз!

Обложка: vecher.kz