Еркеғали Рахмадиев атындағы Мемлекеттік академиялық филармония «Есіңе менің алғайсың» музыкалық-поэзиялық кешін ұсынады.

Мұқағали Мақатаевты (1931−1976) ХХ ғасырдағы қазақтың ең ірі ақыны деп атайды. Ол небәрі 45 жыл өмір сүрді. Өкінішке орай, оның таланты өмірден өткеннен кейін ғана танылды: 2000 жылы ғана «Аманат» жинағы үшін Мұқағали Мақатаевқа әдебиет, өнер және сәулет саласындағы ҚР Мемлекеттік сыйлығы берілді. Алайда, Мұқағали Мақатаев шығармашылығы көптеген көрнекті ақын-жазушыларды шабыттандырды.

«Есіңе менің алғайсың» музыкалық-поэзиялық кешінде Мұқағали Мақатаевтың сөзіне жазылған «Талдықорған әнім менің», «Шәмші қайда», «Құмған алған», «Айтатын саған сырым бұл», «Мен деп ойла» және т.б. әндер орындалады.

Кеште отандық сахнаның танымал майталмандары мен жас әртістер, ҚР еңбек сіңірген әртісі, «Парасат», «Құрмет» ордендерінің иегері Майра Ильясова, ҚР еңбек сіңірген қайраткерлері Арайлым Рахым, Естай Мұқашев, Ұлықпан және Фарида Жолдасовтар , «Дарын» Мемлекеттік жастар сыйлығының иегері Ақбота Құснадин, халықаралық, республикалық байқаулар мен фестивальдердің лауреаттары Зарина Омарова, Алтыншаш Мұқатаева, Әкімхан Мәженов, Мұратбек Хайролда, Айдын Жұмабай, Қымбат Жамбылбек, Отан Парасат өнер көрсетеді. Сонымен қатар филармонияның «Қорқыт» этно-фольклорлық ансамблі, «Шалқыма» халық би ансамблі, Камералық хоры және «Айналайын» балалар хоры өнер көрсетеді.

Сілтеме бойынша көбірек концерттер