2018 жылдың мамыр айының 7 жұлдызы сағат 19.00-де  «Қазақстан» Орталық концерт залында Ұлы жеңіс күні мен Отан қорғаушылар мерекесіне арналған – «Қазақконцерт» мемлекеттік концерттік ұйымының «Жеңіс туы, желбіре! » атты концерті өтеді.

«Қазақконцерт» МКҰ – 1960 жылы Алматы қаласында құрылған Қазақстандағы ең ірі, атақты музыкалық ұйымдардың бірі. Өзінің бай тарихының алғашқы күндерінен-ақ «Қазақконцерт» қазақстандық мәдениетінің көш басында болды.. Бүгінгі таңда «Қазақконцерт» көрікті Астанамен өзінің жаңа белестерін байланыстыра отырып, аты аңызға айналған ұйымның тарихын жалғастырып келеді.

Мерекелік кеште «Қазақконцерт» мемлекеттік концерттік ұйымының өнер майталмандары – А.Қоразбаев, Ж.Сейдуллаұлы, Тамара Асар. Эстрада жұлдыздары:  Ж.Ысқақова,  М.Арынбаев,  А.Жорабаева,  Қ.Әбілдина,  Ә.Оқапов,  Г.Оразымбетова,  «Меломен» және «Назар» тобы. Сондай-ақ  Қазақ өнерін дүниежүзіне танытып жүрген «Форте трио», «Академия солистов» мемлекеттік оркестрі,  «Астана сазы» этно-фольклорлық ансамблі мен «Астана мюзикл» мемлекеттік театры өнер көрсетеді. Кеш  жүргізушілері – Дана Нұржігіт, Мөлдір Әуелбекова, Әділет Рахымбаев және Марат Айтымбай.

Купить билет

Место на карте