19 қазан күні Астанадағы Өnergy Creative Hub-та Қуаныш Бейсекпен «Креативті продюсерлеу» тақырыбында шығармашылық кездесу өтеді.

Идеяны қалай жобаға айналдырып, команда жинап, шығармашылық ойды жүзеге асыруға болады? Кездесуде шығармашылық жобаларды продюсерлеу, серіктестерді тарту және идеяларды ауқымды жобаларға айналдыру жолдарын талқылауға болады.

Кездесу продюсерлерге, креаторларға, кино және медиа саласының мамандарына, сондай-ақ өз креативті жобасын жасап жүрген немесе бастағысы келетін барша жанға қызықты болады. Қатысушылар спикерге сұрақ қойып, өз идеялары мен алдағы міндеттерін талқылай алады.

Кездесу модераторы — продюсер, Өnergy Creative Hub коммерциялық директоры Еркебұлан Күрішбаев.

Жас шектеуі: 18+