2023 жылдың 3 маусымында сағат 14:00-де Әбілхан Қастеев атындағы ҚР Мемлекеттік өнер музейінде «Әсем Әлем» Өнер Академиясы аясында, «Ә. Қастеев туындыларындағы этнографиялық ерекшеліктер» атты дәрісі өтеді.

Дәрісте суретші, өнертанушы Еркін Нұразхан Қазақстанның Халық суретшісі, бейнелеу өнеріміздің атасы Әбілхан Қастеевтің туындыларындағы қазақ халқының тұрмысы мен өмір-салтындағы ерекшеліктерін бейнелеудегі шеберлігіне назар аударады. Көшпенді тұрмыс-тіршілігінде қалыптасқан, қазақ халқымен бірге жасасып келе жатқан киіз үйі, оның ішкі және сыртқы көріністерін, тұрмысқа қажетті бұйымдарын, ер мен әйелдердің киім үлгілері мен ат-әбзелдерін, тағам әзірлеудегі қолайлы әдіс-тәсілдерін т.б. бейнелеген шығармаларын талдай келе, Ә. Қастеевтің өз ұлтының өзгешелігін терең танып зерделегені жайында баяндалады.

Дәріскер: Еркін Нұразхан

Место на карте